Link açıqlığı

Ukraina tasil nazirligi saytında Qırım ve Donbass sakinleri içün mahsus bölük peyda oldı


Qırım ve Donbass sakinlerine yardım etmek ve qol tutmaq içün Ukraina tasil ve ilim nazirliginiñ resmiy saytında bunıñnen bağlı bölük açıldı.

Ükümet portalınıñ malümatına köre, bu bölükni saytnıñ baş saifesinde tapmaq mümkün.

Mında Qırım, Donetsk ve Lugansk vilâyetleriniñ abituriyentleri içün tışqı mustaqil imtianlar ve aliy oquv yurtlarında kiriş kampaniyası aqqında malümat mevcut.

Tasil nazirliginiñ matbuat hızmeti bildire ki, rubrikada yañı malümat ve vesiqalar yerleştirilecek.

Bundan evel işğal etilgen Qırım ve üç aydan berli Rusiye boyevikleri tarafından çekiştirilgen Donetskten mecburen köçip kelgenler içün ükümet saytı çalışıp başladı.

XS
SM
MD
LG