Rusiye federatsiya şurası işğal etilgen Qırım kirgen oyun alanları meydanğa ketirilmesi mümkün olğan regionlar cedveli olğan qanunğa qol tuttı. Bunıñ kibi regionlar cedveline Soçi de kirdi, dep haber ete İTAR-TASS.
Yañı oyun alanınıñ sıñırları Qırım icra akimiyetiniñ organları tarafından belgilenecek. Qanun müellifleriniñ fikirince, Qırımdaki oyun alanı qoşma yatırımnı celp etmege, yañı iş yerlerini meydanğa ketirmege ve regional bücetniñ kârını arttırmağa imkân berecek.
Mütehassıslarnıñ qayd etkenine köre, Qırım büceti oyun alanı sayesinde yılda 25 mlrd ruble qazanması mümkün. Bundan ğayrı, Rusiye deputatlarınıñ fikirince, «regionda turistler sayısı artacaq, musafirhane ve qavehane biznesi inkişaf etecek».
Federatsiya şurasınıñ iqtisadiyat siyaseti boyunca komitetiniñ reis muavini Yuriy Şamkov emin ki, Qırımda oyun alanını meydanğa ketirmek ğayesi mufavaqiyetli olması içün ilerilegen eglence ve raatlıq infrastruktura ile şeer qurulmaq kerek.
