Link açıqlığı

Moskva mahkemesi Ukraina içki işler nazirini ğıyabiy şekilde apske aluv aqqında meseleni baqacaq


Ukraina içki işler naziri Arsen Avakov

Çarşenbe künü, iyülniñ 9-da, Moskvanıñ Basman mahkemesi Ukraina içki işler naziri Arsen Avakovnı ğıyabiy şekilde apske aluv aqqında meseleni baqacaq, dep bildirdi jurnalistlerge mahkemeniñ matbuat hızmeti, haber ete Azatlıq Radiosı.

Rusiyede Avakovğa qarşı öldürüv, adamlarnı esir aluv ve yasaq etilgen cenk usulları ve vastalarınen qullanuv aqqında cinaiy iş açıldı. İyünniñ 21-de onı halqara qıdıruvğa ilân ettiler.

İyül ayınıñ başında Basman mahkemesi Ukrainadaki Dnepropetrovsk vilâyetiniñ gübernatorı İgor Kolomoyskiyni ğıyabiy şekilde apske aldı. Rusiyede onı öldürüv, adamlarnı esir aluv ve yasaq etilgen cenk usulları ve vastalarınen qullanuv, em de jurnalistlerge işini yapmaq imkânından marum qaldıruvda qabaatlaylar.

Mahkemeci mezkür qararnı izaatlar eken, Kolomoyskiy azatlıqta bulunıp, yañı cinayetler yapa bile, dep bildirdi.

XS
SM
MD
LG