Link açıqlığı

Milliy cemiyetler kongressi halqara toplulıqnı qırımtatar halqınıñ aq-uquqlarını qorumağa çağıra


Ukraina milliy cemiyetler kongressini Rusiye Federatsiyası memurlarınıñ Qırımnıñ tamır halqı – qırımtatarlarnıñ milliy areketini yoq etmek areketleri açuvlandırdı.

Qırım.Aqiqat saytında bar olğan kongress beyanatında aytıla ki, kiriş yasaqları sistemağa çevirile – Qırım akimiyeti qırımtatar halqını öz halqınıñ menfaatlarını qoruycaq mustaqil liderlerinden marum qaldıra.

Ukraina milliy cemiyetler Kongressi iştirakçileriniñ fikirince, işğal akimiyetiniñ areketleri BMT Tamır halqlarınıñ aq-uquqları aqqında beyannamesinde qayd etilgen temel aqqlarını boza. O, Rusiye Federatsiyası qanunlarını da boza, çünki Qırım Cumhuriyet Devlet Şurasınıñ deputatı Refat Çubarovnıñ saylayıcılarını bu organda vekilsiz qaldırdılar.

Ukraina milliy cemiyetler Kongressi ukrain ve dünya toplulığı, halqara teşkilâtlarnı qırımtatarlar ve Qırımnıñ diger halqlarnıñ aq-uquqlarını qorumağa çağırdı.

İyülniñ 5-de Geniçsekten qaytqan Meclis reisi Refat Çubarovnı Qırımğa kirsetmediler. Oña Rusiyege 5 yıl devamında kelmege yasaq etildi. Aprelniñ 22-de qırımtatarlarnıñ lideri, Ukraina halq deputatı Mustafa Cemilevge Qırımğa kelmege yasaq ettiler.

XS
SM
MD
LG