Link açıqlığı

Ukraina Nazirler şurasında qırımtatarlarğa olarnıñ aq-uquqlarını keri qaytarmaq içün Rusiyeni sıqıştırmağa teklif etildi


Halqara toplulıq, insan aq-uquqlarınen bağlı olğan er kes qırımtatarlarğa ve olarnıñ liderlerine Vatan aqlarını keri qaytarmaq içün Rusiye Federatsiyasını sıqıştırmaq kerekler.

Bunı Kiyevdeki matbuat konferentsiyasında ükümette etnik milliy siyaset meseleleri boyunca vekâletli olğan Gennadiy Druzenko bildirdi.

O, qırımtatarlarnıñ lideri Mustafa Cemilev Qırımğa kiriş yasağı sebebinden muracaat etecek olğan İnsan aqları boyunca Strasburg mahkemesine itibarı yoq olğanını bildirdi.

Druzenkonıñ fikirince, bu meselede halqara toplulığı Rusiyeni daa da semereli sıqıştırmalılar.

Bundan evel bildirilgeni kibi, Geniçsekten qaytqan Meclis reisi Refat Çubarovnı Qırımğa kirsetmediler. Oña Rusiyege 5 yıl devamında kelmege yasaq etildi.

Ukraina tış işler nazirligi bunıñ kibi areketlerni takbih etti.

Qırım «baş naziri» Sergey Aksönov jurnalistlerge bergen malümatqa köre, Çubarovnıñ yarımadağa kiriş yasağı «onıñ Qırımda milletlerara zıddiyetke ketirecek faaliyetinen» bağlı.

Sürgünlik künü arfesinde qırımtatarlarnıñ milliy lideri Mustafa Cemilev tamam bu kibi yasaqqa oğratıldı.

XS
SM
MD
LG