Link açıqlığı

Qırımda ukrain mahsulatını ketirüv yasağını vaqtınca lâğu ettiler, dep bildirdi FTS reberiniñ muavini Tatyana Golendeyeva. Onıñ qayd etkenine köre, Rusiye Federatsiyasında işbu yasaq öyle de qala, dep haber ete Qırım «akimiyetiniñ» ruporı Krıminform saytı.

Böyle bir qararnı Rusiye Federal gümrük hızmeti müşterilerniñ ihtiyaclarını qanaatlendirmek içün qabul etti.

Golendeyevanıñ aytqanına köre, ukrain mahsulatı yarımadağa maniasız kelip çıqa.

«Olarnı Rusiyeniñ qalğan territoriyasına çıqarmaq niyetleri olsa, anda Gümrük ittifağı çerçivesinde qabul etilgen vesiqalarnı, tehnikiy reglamentlerni talap etecekler», – dep añlattı FTS reber muavini.

Belgilengen rejim «keçici müddet» devamında olacaq – 2015 senesiniñ başına qadar.

XS
SM
MD
LG