Link açıqlığı

Saatnıñ esas haberi

Ahtem Çiygoz: Meclis ile dialog olmağanı – akimiyetniñ problemleridir


Ахтем Чийгоз рассказал, как будет работать Меджлис без Чубарова
Bekleñiz, lütfen

No media source currently available

0:00 0:02:53 0:00

Qırımtatar Milliy Meclisiniñ reis muavini Ahtem Çiygoznıñ fikirince, Qırım «akimiyetiniñ» Meclis reberligine olğan itibarnı yoq etmek ıntılışları Qırımdaki vaziyetni yalıñız kerginleştirecek.

Çiygoz Qırım.Aqiqat saytınıñ mühbirine aytqanı kibi, Çubarovnıñ kiriş yasağı «şaşılacaq qanunsızlıqtır».

«Halq açuvlana, bir sıra telefon subetleri, ağzaviy muracaatlar. Adamlar şaşıp qala», – dep tarif etti Meclis reisiniñ muavini.

Onıñ fikirince, Çubarovnıñ Qırımğa kiriş yasağı qırımtatar halqınıñ temsil organınıñ işine tesir etmeycek.

Meclisniñ akimiyetke namzeti kösterilgen vekillerni vazifelerinden vazgeçmege tevsiyesini izaatlap, Çiygoz böyle dedi: «O vaziyetke oğrap, bizler «akimiyetnen» faydalı dialog olması içün bizim vekillerimizniñ namzetlerini köstermege qarar aldıq. Yazıq ki, maqsadına irişmedik. Bugün Meclis ile dialog olmasa, Qırım akimiyetiniñ problemleri bar».

Malüm olğanı kibi, öz başına ilân etilgen Qırım «akimiyeti» Herson vilâyetindeki Geniçeskte olıp keçken toplaşuvdan qaytqan Qırımtatar Milliy Meclisiniñ reisi Refat Çubarovnı yarımadağa kirsetmedi.

XS
SM
MD
LG