Kiyev Moskva rayon mahkemesiniñ ukrain rejissörı Оleg Sentsovnıñ apis müddetini oktâbr 11-ne qadar uzatmağa qararı ile bağlı açuvını bildirdi, dep haber ete Azatlıq Radiosı.
Ukraina çetel işler nazirligi rejissör Оleg Sentsovnıñ ve Rusiyede apiste bulunğan diger ukrainlilerniñ deral azat etilüvini ve vatanğa qaytarıluvını talap etti.
«Rusiye tarafı Rusiyede taqip etilgen vatandaşlarımıznıñ aqları qorçalavı boyunca Ukraina tarafınıñ tahminen otuz resmiy muracaatına cevap alâ da bermey»,– denile beyanatta.
Moskvanıñ Lefortovo rayon mahkemesi Qırımda teraktlarnıñ azırlanuvında qabaatlanğan ukrain rejissörı Оeg Sentsovnıñ apis müddetini uzattı.
Sentsovnı Qırımda mayıs 11 künü Rusiye FSB hadimleri yaqaladılar. Onı Akmescitte, Yalta ve Aqyarda teraktlarnıñ azırlanuvında qabaatlaylar. Sentsov 20 yıllıq apis cezasını oğratıla bile.
Sentsovnı «siyasiy mabüs» dep sayğan zenaatdaşları ve uquq qorçalayıcılar onı azat etmege talap eteler. Sentsov – Maydannıñ faal iştirakçisidir.
