Aqmescitniñ «Meganom» ticariy-eglenceli merkezinde olğan «Fozzy» tükânına iyül 7 künü bergi hızmetiniñ hadimleri keldi, dep bildire «15 minut».
Adını bildirmege istemegen hadimniñ sözlerine köre, bergi hızmetçileri içki mahsulatını sayıp başladı. Bunı iyül 1-den tükânnıñ içkini satmaq içün litsenziyası bitkeni ile añlattılar.
«Bergi hızmetiniñ hadimleri özlerini sakin alıp bara. Şamata qoparmadılar», – dedi hadim.
İşğal etilgen Qırımda Fozzy tükânında ukrain mahsulatı satılmaqta. Şu sebepten fiyatlar mında Rusiye mahsulatını satqan «Metro» ve «Aşan» tükânlarına köre ğayet ücüz olıp çıqa.
Neticede diger tükânlarda insan az olsa, «Fozzy»de soñki künleri müşterilerniñ sayısı ğayet büyüktir.
