Ukraina Yuqarı Şurasında iyül 15 künü «Qırım Nazirligi teşkil etilmesiniñ zaruriyeti aqqında» toplaşuv ötkerilecek.
Bunı Qırım.Aqiqat saytına «Qırımdan mecburen köçip kelgenlerniñ teşkilâtlarını idare etken şura» cemaat birleşmesiniñ vekili Andriy Şçekun bildirdi.
Onıñ sözlerine köre, bu toplaşuvnıñ teşkilâtçıları Ukraina Prezidenti, Ukraina Nazirler Kabinetiniñ azaları, halq deputatları, siyasiy firqalarnıñ ve cemaat teşkilâtlarınıñ qoşuluvını bekley.
Toplaşuv devamında Qırım işğali ile bağlı meselelerni al etecek nazirlikni tekşil etmek imkâniyeti baqılacaq. Neticede rezolütsiyanıñ imzalanuvı planlaştırıla.
2014 senesi mart 16 künü Qırım ve Aqyarda yarımadanıñ statusı aqqında «referendum» keçti. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ bunı tanımadı.
