Link açıqlığı

Moskvanıñ Lefortovo rayon mahkemesi Qırımda teraktlarnıñ azırlanuvında qabaatlanğan ukrain rejissörı Оeg Sentsovnıñ apis müddetini uzattı, dep bildireler Rusiye matbuat vastaları.

«Mahkeme rejissörnıñ apis cezasını oktâbr 11-ne qadar uzattı», – dep aytalar matbuat hızmetinde.

Sentsovnı Qırımda mayıs 11 künü Rusiye FSB hadimleri yaqaladılar. Onı Akmescitte, Yalta ve Aqyarda teraktlarnıñ azırlanuvında qabaatlaylar. Sentsov 20 yıllıq apis cezasını oğratıla bile.

Onıñ advokatı aytqanı kibi, Qırımda yaqalanğan ukrain kinorejissöri Sentsovnı qıynap, malümat alacaq ediler.Rejissör öz qabaatını tanımay. aynı bu iş boyunca daa üç insan yaqalandı. Olarnıñ apis cezalarınıñ müddeti de uzandı.

Sentsovnı «siyasiy mabüs» dep sayğan zenaatdaşları ve uquq qorçalayıcılar onı azat etmege talap eteler. Sentsov – Maydannıñ faal iştirakçisidir.

XS
SM
MD
LG