Link açıqlığı

Qırım mezunları Rusiye devlet imtianını körmemezlikke ura


Qırım tadebeleri bazarertesi künü, iyül 7-de, №8 Aqyar mektebinde rus tili boyunca Yekâne devlet imtianını tapşıralar: ariza bergen 289 insandan imtianğa 100-den az talebe keldi, dep bildirdiler Aqyar tasil idaresinde, bunı Qırımnıñ öz başına ilân etilgen akimiyetiniñ ruporı Krıminform saytı haber ete.

Buña oşağan adise iyün 25 künü rus tili boyunca deñeme testinde de oldı: ariza bergen 250 insandan 57 keldi.

Bunı Qırım telebeleri içün bu sene Rusiye aliy oquv yurtlarına kirmek içün Yekâne devlet imtianını tapşırmağa şart olmağanı ile bağlaylar, dep bildire tasil idaresiniñ başı muavini Natalya Juravlöva.

Abituriyentler subetten keçip, testlerni ya da aliy oquv yurtında belgilengen eki fen boyunca imtianlarnı tapşırıp, universitetke kire bilecekler.

İşğal etilgen Qırımdan VNOnı tapşırmaq istegen abituriyentlerni qıtaiy Ukrainağa davet eteler. Qırımlalar VNOnı Herson vilâyetinde tapşıra bile. Ukraina tasil nazirliginiñ malümatına köre, bu sene VNOğa Qırımdan yalıñız 600 talebe yazıldı. Umumen ise Qırımda 17 biñ 290 abituriyent bar.

XS
SM
MD
LG