Link açıqlığı

Çubarovnıñ yarımadağa kirişi yasaq olğanı sebebinden Qırımda narazılıq numayışlarınıñ keçirilmesi mümkün


Meclis reisi Refat Çubarovnıñ Qırımğa kirişi yasaq olğanı sebebinden qırımtatarlar narazılıq numayışılarını keçire bile.

Bunı Qırım.Aqiqat saytına qırımtatar milliy Qurultayınıñ merkeziy saylav komissiya yolbaşçısı Zair Smedlâyev bildirdi.

«İşimizni devam etecekmiz, bizni bu al qorquzmaz ve toqtatmaz»,– dedi o ve qırımtatarlar insan aqları boyunca Avropa mahkemesine muracaatta bulunmağa planlaştırğanını da aytıp keçti.

Bundan da ğayrı Smedlâyev bir qaç noqtanı ayırı qayd etti. Birinciden, aytqanı kibi, «Refat Çubarov «Qırım Cumhuriyetiniñ Devlet Şurası» deputatı ola». Ekinciden, kiriş yasağınıñ esası olğan ekstremizm tenbisini Çubarovğa evel kimse bermedi, şunıñ içün o itiraz etip olamadı.

«Er ceetten qanunlarnıñ körmemezlikke urulğanını köremiz»,– dedi Smedlâyev.

Keçken raatlıq künleri Qırımnıñ öz başına tayin etilgen «akimiyeti» Herson vilâyeti Geniçiskte iyül 4-5 künleri keçirilgen toplaşuvdan qaytqan qırımtatar milliy Meclis reisi Refat Çubarovnı yarımadağa kirsetmedi. Refat Çubarovğa beş yıl devamında Qırımğa kelmege yasaq etildi.

Qırım «baş naziri» Sergey Aksönov Çubarovnıñ kiriş yasağı «Qırımda milletlerara ziddiyetniñ yüz berecegi içün etken areketleri» ile bağlı olğanını ayttı.

XS
SM
MD
LG