Link açıqlığı

Saatnıñ esas haberi

Öz başına ilân etilgen Qırım «akimiyeti» bir kimse körünmesin dep, qorqunı quvetleştirecek ola.

Bunı Qırımtatar Milliy Meclisiniñ reisi Refat Çubarov Hromadske.tv yayınında bildirdi.

Onıñ qayd etkenine köre, «prokuror» Natalya Poklonskaya oquğan qabaat «Rusiyege yaramay munasebetni köstergen» siyasetçilernen bağlı, em de Meclis Qırımda bayramlarnı yañlış şekilde qayd etkenini ifadeley.

Qırım.Aqiqat bergen malümatqa köre, Qırımnıñ öz başına ilân etilgen «akimiyeti» Herson vilâyetiniñ Geniçesk rayonında olıp keçken toplaşuvdan soñ qaytqan Qırımtatar Milliy Meclisiniñ reisi Refat Çubarovnı Qırımğa kirsetmedi.

Qırım.Aqiqat mühbiriniñ malümatına köre, Qırımnıñ öz başına ilân etilgen «prokurorı» Natalya Poklonskaya Çubarovğa kiriş yasağını seslendirdi.

Meclis reisi ise bu qararnı devlet qırımtatar tilinde oqumağa talap etti (öz başına ilân etilgen Qırım Cumhuriyetiniñ yañı Anayasasına binaen – muarrir). Poklonskaya razı olmadı.

Qırım.Aqiqat mühbiri «Çonğar» kiriş noqtasında «sıñırda», Çubarovnı toqtatqan yerde, 6 avtobus ve 5 avtozak bar olğanını qayd etti. OMON ve arbiyler çoqlaşa.

Qayd etmeli ki, Meclisniñ diger azalarını «sıñırdan» keçirdiler.

Qırım «akimiyetine» yaqın olğan Krıminform saytınıñ malümatına köre, Rusiye Çubarovğa 5 yıl devamında Qırımğa kelmege yasaq etti.

XS
SM
MD
LG