Link açıqlığı

Saatnıñ esas haberi

Geniçeskte Mustafa Cemilevni qarşıladılar


Приезд Мустафы Джемилева на выездное заседание Меджлиса
Bekleñiz, lütfen

No media source currently available

0:00 0:02:52 0:00

Geniçesk – Oyun, alğış, milliy bayraqlar, imaye ve «Mustafa!» şiarları ile Geniçeskte Meclis toplaşuvına kelgen qırımtatar halqınıñ liderini qarşıladılar. Aqımdaki seneniñ mayıs ayından berli Mustafa Cemilevge Qırımğa kelmege yasaq etildi, onıñ ortaqları yarımadadan tış toplaşmağa qarar aldılar.

Herson vilâyetinde Meclis toplaşuvı iyülniñ 4-de, üyleden soñ başlanacaq edi. Lâkin Mustafa Cemilev keç qala edi ve Oraza olğanından sebep iftardan soñ – saat onlarda – işke başlamağa qarar alındı.

Meclisniñ bazı azaları kündüz keldiler, onıñ içün olarnıñ serbest vaqıtları oldı. Er biri onı öz istegine köre keçirdi: bazıları oturıp, dünyadaki siyasiy vaziyet ve qırımtatarlarnıñ rolü aqqında laf ettiler, bazıları – Azaq deñizde yuvundılar, bazıları ise toplaşuv keçirilecek yerli musafirhanelerniñ birinde odağa kirip, yuqladılar.

Saat 20-lerde musafirhane yanında Meclis azaları, Qurultay delegatları, qırımtatar milliy areket veteranları ve musafirler, Herson vilâyetinde yaşağan qırımtatarlar toplaşıp başladılar. Qarşılağanlarnıñ qollarında qırımtatar ve ukrain bayraqları bar edi. Olardan birisi VİP-musafirni muzıkanen qarşılamaq içün maşinada «Haytarma» qoydı. Milliy areket veteranı Veciye Kaşka oyun töşedi.

Qayd etmeli ki, adamlar arasında adiy urbağa kiyingen aqaylar bar edi. Birazdan olardan ekisi «SBU» yazısınen urba kiydi ve silâ aldılar. Tabiyi ki, memlekette üküm sürgen şimdiki vaziyette uquq qoruyıcı organlar tarafından işbu tedbirge büyük diqqat ayırıldı, çünki çeşit türlü provokatsiyalar olması mümkün edi.

Yarım saatten soñ musafirhanege Bağçasaray meclisiniñ reisi Ahtem Çiygoznıñ qara Mercedesi ile beraber çeşit yollarda yürgen maşina keldi. Range Roverden Cemilev ve ağa-qardaş Aslan Omer Qırımlı ve Rustem Umerov çıqtılar. Qırımlı, malüm olğanı kibi, Ukraina baş nazir muavini olacaq, dep aytalar.

Tantanalı qarşılav iştirakçileri «Mus-ta-fa!» aytıp, birer-birer onıñ yanına kelip, qolunı aldılar. Birinci olıp apayı Safinar-hanım keldi, soñra veteranlar ve bundan soñ Meclis reisi Refat Çubarov yaqınlaştı.

Çoqusı adamlar Geniçeskte Mustafa Cemilevniñ sadıq ortağı Remzi İlyasov yoq, dep qayd ettiler. O, yaqınlarda «Devlet şurasınıñ» spiker muavini oldı, lâkin Meclis buña «razılıq bermegen edi». Qıtağa Meclisniñ diger azaları da kelmedi: Qırım müftisi Emirali Ablayev, Abduraman Egiz, Teyfuk Gafarov, Sadıh Tabah ve Kadır Osmanov. Qayd etilgeni kibi, Sadıh Tabah toplaşuvğa belli bir sebepten kelmedi – anası hastalanğan, Ablayev ve Egiz özleri hastalanğanlar. Digerleriniñ ne sebepten kelmegeni belli degil.

Körüşüvden soñ iştirakçiler qavehanege iftarğa yol aldılar. Tedbir duadan başlandı. Safinar Cemileva aqayı ketirgen arap hurmalarnı üleştirdi.

«Saudiy Arabistandan ketirilgen arap hurması», – dep ayta edi er biriniñ yanına kelip Cemileva. Bundan ğayrı, toplaşuv iştirakçilerini çeşit yemeklernen, şu cümleden azbarda qazanda pişirilgen pilâvnen sıyladılar.

XS
SM
MD
LG