«Bilayn» ticaret markası altında mobil bağ hızmetlerini köstergen «Vımpelkom» Rusiye şirketi Qırımda çalışmaq içün imkân qazandı, dep bildire «İTAR-TASS» agentligi.
978 kodında nomeralarnıñ sayısı 500 biñni teşkil ete.
«Bundan ğayrı, şirket şimdi «Kiyevstar» ukrain mobil operatorı çalışqan ağlarnı elde etti», – dep bildirdi radioağlar boyunca devlet komissiyasınıñ (GKRÇ) soñki toplaşuv neticelerinen tanış olğan qaynaq.
Qırım.Aqiqat bergen malümatqa köre, eñ yaqın vaqıtta işğal etilgen Qırımdan MTS ukrain mobil operatorı kete bile. Şirket qırımlılarnıñ bağ teminlevine keder etken problemlernen sıq-sıq rastkele.
Qırımda ukrain grivnası qalmağan soñ adamlar dünya ile bağ tutmaq içün nasıl etip cep telefonlarını ve internet esaplarını tolduracaqlarını bilmeyler.
