Link açıqlığı

Qırımtatarlarnıñ milliy lideri Mustafa Cemilevniñ fikirince, qırımtatarlarğa muhtariyet tek Ukraina terkibinde lâzim. Bu şekilde o qırımtatar halqnıñ milliy-territorial muhtariyetniñ tiklenmesi aqqında meseleni izaatladı. İyül 4-5 künleri Geniçeskte ötkerilgen Meclis toplaşuvınıñ kün tertibinde tamam bu mesele tura.

Qırım.Aqiqat mühbiri bildirgenine köre, Mustafa Cemilev emin, bu mesele üzerinde daa çalışmaq kerek, çünki evelden Qurultaynıñ qararı soñunace tamamlanmadı.

«Menimce, mart 29 künü ötkerilgen Qurultayda bir hata yapıldı. Halqnıñ evelki yılları kibi özüniñ milliy-territorial muhtariyetniñ tiklenmesine ıntılacağı aqqında söylegende, qaysı devletniñ terkibinde de aytmaq kerek edi, işte bu, çeşit ayın-oyunlarğa yol berdi. Evelki yılları kibi, milliy-territorial muhtariyetni ukrain devletniñ erkânında qurmağa istegimizni qayd etmek kerek edi», - dep bildirdi Mustafa Cemilev.

Bunen beraber, qırımtatar halqı lideri söylegeni kibi, toplaşuvda Qırımnıñ işğal etilgeni vaqtında, qırımtatarlarnıñ aqlarını qorçalavı, em de bu işke uquq qorçalayıcılar celp etilüv meselesi de köterilecek

Qırım.Aqiqat mühbiriniñ bildirgenine köre, Geniçeskte Mustafa Cemilevniñ iştiraki ile keçirilgen Qırımtatar Milliy Meclisiniñ toplaşuvında beş esas mesele muzakere etilecek.

Şu cümleden, 2014 senesi mart 29 künü VI-ncı çağırılış Qurultaynıñ «Qırımtatar halqınıñ kendi Vatanı-Qırımda öz kelecegini belgilemek aqqı» qararınıñ işke tüşürilüv ketişatı, qırımtatarlarnıñ Bütündünya Kongressiniñ ötkerilüv sanı, nevbetteki Qurultaynıñ ötkerilüvi ve baqılacaq meseleleri, Meclis yanında iş gruppasınıñ teşkil etilüvi aqqında sualler baqılacaq.

Qırım.Aqiqat mühbiriniñ bergen malümatına köre, toplaşuvda Meclisniñ 33 azasından 25 iştirak ete. Şu cümleden, Qırım parlamentiniñ «spiker muavini» Remzi İlyasov, Qırım müftisi Emirali Ablayev, Abduraman Egiz, Teyfuk Gafarov, Sadıh Tabah ve Kadır Osmanov kelmediler.

Qayd etilgeni kibi, Sadıh Tabah toplaşuvğa belli bir sebepten kelmedi – anası hastalanğan, Ablayev ve Egiz özleri hastalanğanlar. Digerleriniñ ne sebepten kelmegeni belli degil.

Meclisniñ toplaşuvı Herson vilâyetiniñ Geniçesk qasabasınıñ musafirhanelerinden birinde ötkerile. Tedbir tekmil ne yerde keçirilgeni havfsızlıq sebepleden aydınlatmaylar, iştirakçilerni Devlet qoruv hızmeti İdaresi ve Ukraina Havfsızlıq Hızmeti qoruylar.

XS
SM
MD
LG