Link açıqlığı

Kiyevniñ vokzalında Qırımdan köçip kelgenler içün yardım noqtasını açacaqlar


Kiyevniñ demir yol vokzalında iyül 7 künü işğal etilgen Qırımdan ve terroristlerge qarşı ameliyat keçirilgen rayonlardan köçip kelgen vatandaşlar içün yardım noqtası açılacaq.

Bunı Kiyevde fevqulâde vaziyetler boyunca devlet hızmetiniñ baş idaresine esaslanıp, UNİAN bildire.

«Vokzal binalarında mesleat-haber noqtalarınıñ yerleşüvi aqqında malümat olacaq. Cenübiy-şarqiy yönelişten kelgen trenler perronlarında insanlarğa yardım kösterecek Kiyev fevqulâde vaziyetler boyunca devlet hızmetiniñ baş idaresiniñ, içtimaiy hızmetlerniñ hadimleri ve cemaat teşkilâtlarınıñ göñüllileri turacaq», – dediler mında.

Neşirniñ malümatına köre, bu maqsat ile Kiyevde fevqulâde vaziyetler boyunca devlet hızmetiniñ baş idaresiniñ yolbaşçılığı «Ukrzalіznitsâ» demir yol naqliyatınıñ devlet memuriyeti ile işbirlikni teşkil etti.

Ukrainada iyün soñunda köçip kelgenlerneniñ sayısı 49 biñ oldı, dep bildirdi Aqrusiye, Moldova ve Ukraina qaçaqlarınıñ aqları boyunca BMT yuqarı komissarlığı idaresiniñ regional temsilcisi Oldrih Andrisek.

XS
SM
MD
LG