İyül 4 künü saat 14:00-ke ukrain tarafından 9 arbiy adamı elâk oldı, 13 yaralandı. Bunı ATO matbuat merkezi bildire.
Matbuat merkeziniñ malümatına köre, saba saat 9:20-10:45 arasında Slavânsk civarında Karaçun dağında ATO blokpostına ateş açılğan edi. Zarar körgenler aqqında malümat yoq.
Saat 12:00 Zakotnoye köyüniñ ağаç köpürinde «Ural» patladı, bir arbiy adаmı yaralandı, denile beyanatta.
Matbuat merkezinde ATO quvetleri angi mesken yerlerinde ve nasıl şaraitlerde telâf körgeni aqqında malümat bermeyler.
İyül 3 künü SNBO terroristlerge qarşı ameliyatnıñ başlanmasından Ukraina şarqında 197 arbiy adamı elâk olğanı ve 655 zarar körgeni aqqında bildirdi.
Lugansk ve Donetsk vilâyetlerinde terroristlerge qarşı ameliyat aprelniñ 15-den keçirile.
