Link açıqlığı

Оleg Tsarövnı Qırım işğali ve Ukrainada olayatqan teraktlarnıñ azırlanmasında qabaatlaylar


Ukraina uquq qoruyıcı organları tarafından qıdıruvğa ilân etilgen sabıq halq deputatı Оleg Tsaröv Rusiye Federatsiyasınıñ yuqarı yolbaşçılığı ile Qırım işğali ve Ukrainada olayatqan teraktlarnıñ azırlanması boyunca toplaşuvlarda iştirak ete edi.

UNİAN mühbiri bergen malümatına köre, bunı iyül 4 künü Kiyevde matbuat konferentsiyası devamında Ukraina havfsızlıq hızmetiniñ reisi Valentın Nalıvayçenko bildirdi.

«Bu insan Moskvada toprağımızda keçirilecek terroristik vaqiaları boyunca toplaşuvlarda iştirak etkenini tasdiqlaymız. Ruçiye prezidentiniñ keñeşçilerinden birisi ile Qırımdaki arbiy istilânı planlaştırğanını da tasdiqlaymız», – dedi Ukraina havfsızlıq hızmetiniñ reisi.

Nalıvayçenko şunı da bildirdi ki, Tsarövnı tapıp, areketleri aqqında soraycaqlar, dep qayd ete neşir.

Sabıq halq deputatı, «Novorossiya halq frontı»nıñ reisdeşi Оleg Tsarev halqara qıdıruvğa ilân etilgen.

Regionlar firqasınıñ yolbaşçısı muavini Оleg Tsaröv Ukraina prezidenti vaifesine namzetini köstergen edi. Faqat mayıs 1 künü onıñ temsilcisi merkeziy saylav komissiyasına Tsarövnıñ saylavlardan çıquvı aqqında bildirdi.

Mayıs 29 künü Baş prokuratura parlamentke Tsarövnıñ cinaiy mesülietke çekilgeni aqqında qararnı kirsetti.

İyün 26 künü «DHC» ve «LHC» teşkilâtlarınıñ «deputatları» Оleg Tsarövnı «Cenübiy-Şarq» areketiniñ başı olaraq sayladılar.

XS
SM
MD
LG