Link açıqlığı

Qırım abituriyentlerinden artıq arbiy biletni köstermege talap etmeyler


Qırım, Donetsk ve Lugansk vilâyetleriniñ abituriyentleri arbiy biletni köstermeyip, aliy oquv yurtlarına kire bilecekler, dep qayd ettiler Ukraina tasil ve ilim nazirliginde.

Nazirlikte bu qararnı Donetsk ve Lugansk vilâyetlerinde, em de Qırım Muhtar Cumhuriyetinde arbiy komissarlığınıñ işi imkânsız olğanı ile añlatalar.

«Aliy oquv yurtlarınıñ yolbaşçılarına 2014 senesi Ukraina aliy oquv yurtlarına qabul etüv şartlarına köre, mezkür regionlarnıñ sakinlerinden vesiqalarnıñ qabul etüvini arbiy biletniñ kösterilmemesi ile keçirmege», – denile Tasil nazirliginiñ resmiy mektübinde.

Evel qayd etile edi ki, Bu sene Qırımnıñ işğali ve Donetsk ve Lugansk vilâyetlerinde üküm sürgen vaziyet sebebinden Donbass ve yarımada studentleri içün kiriş kampaniyası biraz qolaylaştırılacaq.

Ukrainanıñ diger regionlarında VNOnı tapşırmaq içün Donetsk ve Lugansk vilâyetlerinden 7000 abituriyent, Qırımdan 600 mezun qayd etildi. Umumen 2014 senesi VNOdan keçmek içün Ukraina şarqından 35 biñ mezun qayd etilgen edi.

XS
SM
MD
LG