Link açıqlığı

Rusiye sıñır hızmetiniñ başını ve Dmitriy Kiselövnı terrorizmniñ maliye desteginde qabaatlaylar


Ukraina havfsızlıq hızmeti Rusiye jurnalisti Dmitriy Kiselövğa nisbeten terrorizmniñ maliye destegi maddesi boyunca cinaiy işni aça. Bunı Ukraina havfsızlıq hızmetiniñ reisi Valentın Nalıvayçenko bildirdi, dep haber ete UNİAN.

«Ukrainada terrorizmniñ teşkilâtçıları bugün tek qabaatlı olmay, olarğa nisbeten, şu cümleden bu haber agentliginiñ yolbaşçısına da nisbeten terrorizmniñ maliye destegi maddesi boyunca cinaiy taqiqat başlana», – dedi Ukraina havfsızlıq hızmetiniñ reisi.

Nalıvayçenko şunı da bildirdi ki ,Ukraina havfsızlıq hızmetini Rusiye Federatsiyasınıñ FSB Sıñır hızmetiniñ yolbaşçısı Vladimir Kulişovğa da nisbeten taqiqatnı başladı.

Rusiye Sıñır hızmetiniñ yolbaşçısını Ukraina şarqında terroristlerge maliye yardım köstergeninde qabaatlaylar.

XS
SM
MD
LG