Link açıqlığı

İşğal etilgen Yaltada tsirkni quracaq olalar. İyül 4 künü şeer yolbaşçılığı «Rusiye devlet tsirk şirketi» ile mütenasip añlaşmanı imzaladı.

«Şeer başı vazifelerini eda etken» Sergey Karnauh şeer bağçasında qurucılıqnıñ husussiyetlerini muzakere etmek içün «Rusiye devlet tsirk şirketi»niñ yolbaşçılığı ile körüşti.

«Rusiye devlet tsirk şirketi» baş müdiri Vadim Gagloyevniñ sözlerine köre, tsirk şekli boyunca özgün olacaqtır, çünki Pioner baqçasında adetiy tögerek sananı qurmaq içün imkân yoq.

Cenüp içün yañı mündericeni de vade eteler. «Biz seyircilerge aqiqiy ögretici tsirkni taqdim etermiz», – dedi Vadim Gagloyev.

O emindir, Yaltada tsirk yarışınıñ – «Monte Karloda olğan tsirk festivaliniñ sade, amma ifadeli beñzeviniñ teşkil etilmesi mümkündir», – deyler Yalta şeer yolbaşçılığı matbuat hızmetinde.

«Tsirk yañı şekilleri ile ileriley ve zemaneviy dalğalar yönelişinde inkişaf etmek kerek», – dedi «Rusiye devlet tsirk şirketi»niñ baş müdiri.

Sergey Karnauh tsirk temsilcileriniñ ğayelerine qol tuttı. Onıñ fikrince, bu kibi obyektniñ peyda oluvı Yaltanıñ kurort saasına tesir ete bilecek.

Yalta «akimiyeti» qurucılıq kelecek seneniñ başında başlaycağını tahmin etti.

XS
SM
MD
LG