Ukraina misali mustaqillik oğrunda küreşniñ qıymetini bilgen amerikalılarğa ilham bere. Bunı AQŞ Mustaqillik Künü munasebeti ile keçirilgen tedbirde AQŞ Ukrainadaki elçisi Geoffrey Pyatt bildirdi, dep haber ete Azatlıq Radiosı.
«Demokratiyañıznı qorçalap, dünyağa ilham beresiñiz», – dedi diplomat.
«Amerikalı zenaatdaşlarımnıñ adından aytqanımnı tüşünem. Ukrainlilerniñ bu soñki altı ay devamında köstergen cesürlik ve cüratı bizni ayrette qaldıra», – dedi Pyatt.
O, Ukrainadaki şimdiki adiselerini 238 yıl evelsi olğan AQŞ mustaqillik oğrunda küreşi ile qıyasladı. AQŞ elçisi şunı da qayd etti ki, AQŞ Ukrainağa «iqtisadiy ve demokratik kelecegi»niñ qıdıruvında qol tuta.
Mustaqillik künü – AQŞ devlet bayramı. Er sene iyül 4-de qayd etile ve raatlıq künü olaraq sayıla.
