Link açıqlığı

«Rossiya 1» telekanalı qırımtatar halqınıñ milliy yetekçisi, Ukraina halq deputatı Mustafa Cemilev aqqında «Mustafa Cemilevniñ gizli ayatı» serlevalı filmni çıqardı, dep haber ete QHA.

Filmni iyül 5-de, cumaertesi künü, saat 11:20 «Vesti. Dejurnaya çast. Spetsrassledovaniye» programma çerçivesinde kösterecekler.

Filmniñ treylerinden onıñ müellifleri Qırım parlamentine Regionı firqası cedveli boyunca keçken «Qırım Devlet Şurası» deputatı Edip Gafarov, Qırım «baş nazir muavini» Ruslan Balbek, «Milliy Firqa» teşkilâtınıñ yetekçisi Vasvi Abduraimov ve Qırım «prokurorı» Natalya Poklonskaya ile Mustafa Cemilevniñ «gizli ayatı» aqqında laf etkenleri añlaşıla.

Yarım saatlıq filmniñ müellifleri «Qırımtatar halqınıñ öz başına ilân etilgen yetekçisi öz keçmişini daa çoq gizleycekmi?» degen sualge cevap bermege vade eteler.

Filmniñ treyleri qırımtatar cemaatçılığı arasında endi narazılıq köterdi.

XS
SM
MD
LG