Link açıqlığı

Saatnıñ esas haberi

Donbass sakinlerini işğal etilgen Qırımdan Rusiyege alıp keteler


İyül 3 künü «Aqmescit» ava limanından Rusiye fevqulâde vaziyetler nazirliginiñ mahsus uçağı ile Astrahan ve Mineralnıye vodı şeerlerine eki sefer yapıldı.

Uçaqlarnıñ vastası ile Qırımğa ATO zonasından kelgen Ukraina cenübiy-şarqınıñ sakinlerini alıp kete ediler.

Qırımnıñ fevqulâde vaziyetler nazirliginiñ matbuat hızmeti bergen malümatına köre, bir kün içinde Aqmescitten Rusiye fevqulâde vaziyetler nazirliginiñ aviatsiyası ile 243 vatandaş çıqarıldı.

«Yolcularnıñ esas qısmı – qadın ve ufaq balalardır. Bundan da ğayrı, mahsus maşina vastası ile uçaqqa saqatlarnı ketirdiler», – deyler matbuat hızmetinde.

Bundan soñ Ukraina vatandaşları evelden azırlanğan vaqtınca yerleşüv noqtalarına yollanıla. Umumen Rusiyege 1000 Ukraina vatandaşı çıqarıldı eken.

XS
SM
MD
LG