Link açıqlığı

Milliy havfsızlıq şurası: terrorizmge qarşı tedbirlerde 197 arbiy elâk oldı


Lugansk ve Donetsk vilâyetlerinde terrorizmge qarşı tedbirler vaqtında 197 arbiy adam elâk oldı, 655 kişi yaralandı, dep haber ete RNBO malümat merkeziniñ vekili Andriy Lısenko.

«Tünevin ATO vaqtında elâk olğan ve yaralanğan insanlarnıñ umumiy sayısı seslendirildi. Tünevin o 200 adamnı teşkil ete edi. Yahşı ki, tehnikiy hata oldı: tünevin 193 insan elâk oldı», – dep ayttı Lısenko.

«Bugün militsiyanıñ 3 hadimi ve sıñırcı öldürildi – bu 197 insan», – dep qoştı Milliy havfsızlıq şurasınıñ vekili.

Lısenkonıñ malümatına köre, iyülniñ 3-de saat 15:00 qadar Ukraina Silâlı Quvetleriniñ 152 arbiy adamı, Ukraina havfsızlıq hızmetiniñ 7 arbiy adamı elâk oldı, 8 – Devlet sıñır hızmetiniñ, 12 – Ukraina Milliy gvardiyasınıñ, 18 – Ukraina içki işler Nazirliginiñ .

RNBO bildire ki, Silâlı quvetlerniñ 358 insan, Ukraina havfsızlıq hızmeti – 10, Devlet sıñır hızmeti – 108, Ukraina Milliy gvardiyası – 136, İçki işler nazirliginiñ 43 arbiyi yaralandı.

Yaralanğan insanlarnıñ umumiy sayısı – 655.

Lugansk ve Donetsk vilâyetlerinde terrorizmge qarşı tedbirler aprelniñ 15-den berli devam etmekte.

İyülniñ 2-de RNBO malümat merkeziniñ vekili Andriy Lısenko ATO vaqtında 200 arbiy elâk oldı ve 619 arbiy hızmetçi yaralandı, dep bildirdi.

XS
SM
MD
LG