Link açıqlığı

«Rus aleminiñ» meşur ideologlarından biri Aleksandr Dugin bildirdi ki, Ukrainada cenkleşken separatistlerniñ fikirince, Rusiye prezidenti Vladimir Putin olarğa qarşı hainlik yaptı ve olardan vazgeçti. Lâkin, o, emin ki, Putin açıq cenkke kirişmege mecbur olacaq ve bunıñ sebebi Qırım olacaq.

Bunı The Times yaza.

«Aleksandr Dugin bildirdi ki, künde «5-6 kere» Ukraina Şarqında cenkleşkenlerniñ liderlerinen telefon vastasınen qonuşa ve olar onıñ Kreml hainligi aqqında fikirine qol tutalar», – dep qoşa neşir jurnalisti Ben Hoyl.

Berilgen malümatqa köre, Dugin MGU işinden marum qaldı. O, The Times neşirine bergen intervyüsında şunı qayd ete ki, Kreml avalesi olmasa edi, böyle bir qarar qabul etilmez edi ve aynı bu qarar «resmiy şahıslar Ukraina ile vaziyette yımşağanlarını» isbatlay.

«Duginniñ fikirince, cenkçilerni yok etecekler, Ğarp ise Ukrainanı Qırımğa ücüm etmege zorlaycaq, ve Putin ep bir cenkke kirişmege mecbur olacaq, lâkin onıñ o qadar küçü endi olmaycaq», – aytıla neşir malümatında.

İyünniñ 27-de Duginni Moskva universitetinden işten boşattılar. Onıñ fikirince, bunıñ sebebi «Novorossiya» ğayelerine qol tutuv oldı.

XS
SM
MD
LG