Link açıqlığı

Deagostini neşriyat eviniñ Rusiye filialı qırımtatar milliy urbada çini qoqlanen mecmuanı azırladı. Jurnalnıñ 24 saifesinde qırımtatarlar, Bağçasaray şeeriniñ tarihı, Qırım hanları ve milliy yemeklerniñ hususiyetleri aqqında malümat mevcut.

«Qırımtatarlar Qırımda XIII-XVII asırlarında halq olaraq şekillendirildi. Qırımtatar qaviminiñ tarihiy temeli Qırımda tamır atqan türk qabileleri oldılar», – aytıla mecmuada.

Qadın-qızlarnıñ milliy urbası da tafsilâtlı sürette añlatıla.

Kollektsiya mecmualarınen oğraşqan neşriyat eviniñ saytında aytıla ki, jurnalnıñ bu sanı Rusiye Federatsiyasında yaşağan halq ve milletlerniñ urbalarında çini qoqlaları kollektsiyasınıñ bir qısmı ola. Kollektsiya Rusiye ilimler akademiyasınıñ Mikluho-Maklay adına etnologiya ve antropologiya İnstitutı, OOO Etnokonsalting, Poteşnıy promısel şirketi ve Peterburg qoqlalar müzeyiniñ iştiraki ile teşkil etildi.

2014 senesi iyünniñ 12-de Rusiyede qırımtatar milliy urbada qoqlanı satıp başladılar. Onı «Aşan» ağınıñ tükânlarında, em de internet tükânlarında satın almaq mümkün. Qoqla ve mecmua fiyatı 383 rubleni teşkil ete.

Deagostini Halqara şirketi dünyanıñ 44 memleketinde taqdim etildi, neşirleri 21 tilde çıqa. Rusiye bazarında neşriyat evi 2004 senesinden berli buluna.

XS
SM
MD
LG