Link açıqlığı

Qırımtatar şairi Grigoriy Skovoroda adına mukâfatını qazandı


Qırımtatar şairi ve terciman Seyran Suleyman Grigoriy Skovoroda adına Halqara edebiyat mukâfatına nail oldı, dep haber ete QHA.

2014 senesi Grigoriy Skovoroda adına «Sad bojestvennıh pesen» mukâfatınıñ laureatları belli oldı.

Ukraina Yazıcılar Milliy Birliginiñ azası, qırımtatar şairi ve terciman Seyran Suleymannıñ ukrain ve qırımtatar edebiyatları arasında bağ pekitilmesi ve inkişaf ettirüvine qoşqan issesi, ukrain klassikleri ve zemaneviy yazıcılar eserleriniñ tercimelerini qayd ettiler.

Mukâfat laureatları arasında – Ukraina MİA akademigi, Ukraina Qaramanı İvan Dzüba, Şevçenko mukâfatınıñ laureatı Valeriy Şevçuk, Poloniya, Makedoniya, Sırbistan ve Büyük Britaniya şair ve yazıcılarıdır.

Grigoriy Skovoroda adına Halqara mukâfat 2005 senesi «Çernigovskiy intellektualnıy tsentr» teşkilâtı ve «Svitâz» Volın teşkilâtı tarafından meydanğa ketirilgen edi.

XS
SM
MD
LG