Qırımtatar Milliy Meclisiniñ toplaşuvını Herson vilâyetiniñ Geniçesk rayonında keçirmege planlaştıralar.
Bunı Herson regional Meclisiniñ reisi Asan Aliyev Qırım.Aqiqat saytına bildirdi.
«Geniçesk rayonında bayağı qırımtatarı yaşay – ealiniñ aman-aman 12%. Milliy keñeşimiz – Meclisniñ regional Meclisler reisleri, Mustafa Cemilev (qırımtatarlarnıñ milliy lideri – muarrir) ve Refat Çubarovnıñ (Qırımtatar Milliy Meclisiniñ reisi – muarrir) iştiraki ile kenişletilgen bir toplaşuvı olacaq», – dep ayttı Aliyev.
Onıñ malümatına köre, 60 adamnıñ kelmesi beklenile. Toplaşuv eki kün devamında keçirilecek – iyülniñ 4-den iyülniñ 5-ne qadar.
Bundan evel Qırımtatar Milliy Meclisiniñ toplaşuvı Herson vilâyetinde keçirilecek degen haber peyda olğan edi. Kün tertibi daa belgilene. Toplaşuvda qırımtatar milliy Qurultayı bazı azalarınıñ Qırımdaki küz saylavlarında iştirak etüv imkâniyeti muzakere etilecektir.
İyün 12 künü qırımtatar milliy Meclisi «Qırım Cumhuriyetiniñ Devlet Şurası» saylavlarını boykot etmege qarar aldı.
Yerli şuralarğa saylavlarnı Qırım «parlamenti» saylavları ile aynı zamanda keçirmege planlaştıralar – 2014 senesi sentâbr 14 künü.
