Qırımnıñ birinci ve soñki prezidenti Yuriy Meşkov qırımlılardan yardım soray: oña saylav kampaniyasına para ve saylaycılarnıñ destegi kerek.
Yuriy Meşkov, «Devlet şurasna» saylavlarğa, Aqmescitniñ 24 sanlı Moskva majoritar saylav bölüginde öz namzetini kösterecegini bildirdi.
Aytqanına köre, iyül 12 qadar oña qol tutqan 2000 sakninniñ imzasını toplama kerek. Bunen beraber, sabıq prezident maddiy yardım soray, parasız saylavlarğa qatnaşmaq ğayesi kerçekleşmez.
«Bütün masraflar – matbaa ve digerleri RNKB bankında açılğan esaptan ödenile. Men bir qaç yüz ruble toplap oldım. Parsız ve imzalarnı toplaycaq adamlar olmasa – ğayem kerçekleşmez. Men halqqa muracaat etecem, teşkiliy ve maddiy-maneviy yardım sorarım. Ştabnı yerleştirmek içün oda kerek», - dep qayd etti Yuriy Meşkov.
Bundan evel, Yuriy Meşkov bildirgeni kibi, Qırımnıñ şimdiki «akimiyeti» yarımada işğal etilgenine qadar, Ukrainağa qol tutqan memurlar edi.
O, Qırım cumhuriyetiniñ cemaatçılıq parlamentini teşkil etip, Rusiye yaqlı bütün küçlerni toplap, yaşlarnı köterip, lâyıq namzetlerni seçilecegine destek kösterecegini aytqan edi.
«Rusiye» blokunıñ yetekçisi Yuriy Meşkov Qırım cumhuriyeti prezidenti vazifesinde fevral 1994 senesinden 1995 senesine qadar bulundı, resmiy Kiyev ve parlamentnen davalaşttı, vazifesinden boşatılğan soñ, Moskvağa ketti. Yarımada işğal etilgeninen Aqmescitke qayttı.
