Link açıqlığı

Nazirler kabineti Qırımda Ukraina vatandaşlarına nefaqa ödeviniñ ketişatını belgiledi


Qırımda yaşağan Ukraina vatandaşlarında nefaqanı almaq içün imkânı olacaq. UNİAN bergen malümatına köre, Ukraina Nazirler kabineti esaplanuvnıñ mütenasip ketişatını tasdiqladı.

Bunı ükümette brifing devamında Ukraina Nazirler Kabinetiniñ naziri Ostap Semerak bildirdi.

«Ukraina vatandaşları ile esaplanuv ketişatı belgilendi», – dedi Semerak.

Onıñ sözlerine köre, laf «Ukrpoçta» ve Rusiye Federatsiyasınıñ poçtasından para yiberüvi aqta ketmekte.

«Böyle alda eki nefaqanıñ alınması imkânsız. Amma Ukrainanıñ bütün vatandaşları çalışqan vaqtında toplağan nefaqanı ala bilecek», – dedi Semerak.

Qırım Rusiye tarafından işğal etilgenden soñ, Ukraina vatandaşı olğan Qırım sakinlerine nefaqanıñ ödenilmesi toqtatıldı.

XS
SM
MD
LG