Silâlı separatistlerniñ taqımlarında boyevkilerniñ ruhiy alınıñ beterleşüvi qayd etile. Bunı «İnformatsionnoye soprotivleniye» areketiniñ yolbaşçısı Dmıtro Tımçuk bildire.
«Olarda silâlanuv, tehnikada ve canlı küçte telâfetleri bardır. Terroristik taqımlarnıñ liderleri ciddiy telâflar aqqında malümatnı red etmege mecburlar», – dedi Tımçuk.
«İnformatsionnoye soprotivleniye» malümatına köre, ATO faal fazasınıñ başlanuvı ile ukrain arbiyleri silâlı separatistlerden nevbetteki mesken yerlerni qaytarıp aldı ve anda öz nezaretini pekitti: Zakotnoye, Raygorodok, Reznikovka, Ray-Aleksandrovka. Al-azırda Nikolayevka nezaret altına alına.
Faal arbiy areketlerniñ ve boyeviklerden territoriyanıñ azat etilüvi neticesinde ATO küçlerniñ blokpostı qaytarıldı.
İyün 30 künü prezident Petro Poroşenko SNBO toplaşuvı neticesinde Donbassta ateşniñ bir taraflama toqtatuv müddetini bitirmege qarar aldı. Bundan soñ ATO faal fazası başlandı.
