ОBSE Rusiyeni Qırımnı Ukrainağa qaytarmağa, Gürcistannıñ işğalini bitirmege ve halqara mecburiyetlerini eda etmege çağıra. Bu aqta ОBSE Parlament assambleyasınıñ rezolütsiyasında söz kete, dep bildire Azatlıq Radiosı.
ОBSE Parlament assambleyası rezolütsiyasında «topraq bütünliginiñ ve sıñırlarnıñ sarsılmazı aqqında qaidelerge riayet etüv ve davalarnıñ tınç yatıştıruv müimligini qayd ete ve Rusiye Federatsiyasını Qırım Muhtar Cumhuriyetiniñ ve Aqyarnıñ işğalini lâğu etmege çağıra».
ОBSE PA «Rusiyeni 2008 senesi avgust 12 künü qabul etilgen ateşniñ toqtatuv aqqında añlaşmağa binayen, Gürcistan toprağı işğaliniñ toqtatuvı ve halqara uquqnıñ qaidelerine riayet etüv ile bağlı mecburiyetlerni eda etmege çağıra».
