Link açıqlığı

Rusiyede Qırımğa bağışlanğan küpüranı çıqaracaq olalar


Rusiye Merkeziy bankı bu sene Qırımğa bağışlanğan küpüranı çıqaracaq ola. RİA Novosti bildirgenine köre, bunı Rusiye Merkeziy bankınıñ reisi muavini Georgiy Luntovskiy haber etti.

«Qırımğa bağışlanğan küpüranı çıqaracaq olamız. Yetiştirsek, bu sene çıqarırmız», – dedi Luntovskiy.

O añlattı ki, «olimpik» banknotaları ile olğanı kibi, küpüra keñ tarqatuvda olacaqtır ve onıñ dizaynı boyunca tender keçirilecek.

«İcadiy iş, tenderni keçirecek olamız, yaş nesilni celp etip, güzel bir banknotanı çıqaracaqmız», – dedi Rusiye Merkeziy bankınıñ reisi muavini.

2014 senesi mart 16 künü Qırım ve Aqyarda yarımadanıñ statusı aqqında «referendum» keçti. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ bunı tanımadı.

XS
SM
MD
LG