Ukrainanıñ özek statusı qaytarılmasına ukrainlilerniñ 43% qol tuttı, 39% statusnıñ pekitilmesine inanmay.
UNİAN bergen malümatına köre, bunı matbuat konferentsiyası devamında «İlko Kuçeriv adına demokratik teşebbüsler» fondınıñ müdiri İrina Bekeşkina bildirdi.
İçtimaiyatçı qayd etti ki, ukrainlilerniñ 43% Ukraina içün özek statusınıñ qaytarılmasını istey, qarşı – 37%, 20% - bilmeyler.
Aynı zamanda, 39% özek statusınıñ qaytarılması mümkün olğanına inanmay, 33% – inana, 28% – qarar almadı.
Ukrainanıñ özek statusına qol tutqanlarnıñ eñ büyük sayısı ğarbiy – 51% ve merkeziy – 53% regionlarda yaşay. Cenüpte buña 43% qol tuta, qarşı – 32%. Şarqta (Donbasstan ğayrı) em qol tutqanlarnıñ, em qarşı çıqqanlarnıñ sayısı bir – 38%.
Donbassta ise Ukrainanıñ özek statusına 65% qarşı çıqa, 19% – qol tuta, dep bildire neşir.
