Link açıqlığı

Ukraina milliy havfsızlıq şurası: Rusiye terroristlerni Aqmescit civarında azırlaycaq ola


Rusiye Ukrainada terroristik faaliyetini keçirmek içün Aqmescit civarında diversantlarnıñ azırlav arbiy bazasını teşkil etecek. Bunı SNBO haber merkeziniñ spikeri Andriy Lısenko bildirdi, dep haber ete «Gromadske telebaçennâ».

«Rusiye Federatsiyasınında parlament, siyasiy küç ve diger teşkilâtlar tarafından kütleviy numayışlarnıñ teşkil etilmesi, para toplanması ile Ukrainanıñ şarqiy regionlarında terroristik areketlerge qol tutuv kampaniyası devam etmekte», – dedi Lısenko.

Onıñ sözlerine köre, Rusiye tarafı ücretli askerlerniñ azırlanması, silâlanuvı ve Ukraina şarqına yollanuvı içün Qırım toprağı ile faydalanmaqta.

SNBO haber merkeziniñ spikeri Aqmescit civarında diversantlarnıñ azırlav arbiy bazasınıñ teşkil etilecegi aqqında haber etti.

İyül 1 künü ukrain orduları 10 künlik barışıqtan soñ, memleketniñ şarqında separatistlerge qarşı ücümine ğayrıdan başladı.

XS
SM
MD
LG