Link açıqlığı

Kiyev akimiyeti ATOnı ğayrıdan başlap, bütün Rusiye alemine qarşı çıqtı, dedi Qırım «spikeri»


Ukraina prezidenti Petro Poroşenko memleketniñ cenübiy-şarqında arbiy areketini ğayrıdan başlap, öz siyasiy faaliyetini telükege oğrata, dedi jurnalistlerge Qırım «spikeri» Vladimir Konstantinov.

Bu aqta malümat Qırım «parlamenti»niñ saytında yerleşe.

Onıñ fikrince, Ukraina şarqındaki adiseler – ciddiy içtimaiy faciadır.

«O (Poroşenko – muar.), ölüm yolu ile ketti. O, siyasiy ceetten mahv olur, insan, şahıs kibi», – dedi Konstantinov ve «Ukrainada cenkni başlap, Kiyev akimiyeti bütün rusiyeli alemge qarşı çıqqanını» qoşıp ayttı.

Bunıñ ile Konstatinov Poroşenko ileride yalıñız Amerikada saqlana bilecegini de qayd etti, çünki «Rusiye dünyasında oña yer tapılmaz».

Qırım «spikeri» Ukraian prezidentini arbiy areketlerni toqtatmaq ve «bir memlkette çeşit dünya baqışlı insanlarnıñ yaşayış tertibatını işlep çıqarmaq» çağırdı.

İyül 1 künü ukrain orduları 10 künlik barışıqtan soñ, memleketniñ şarqında separatistlerge qarşı ücümine ğayrıdan başladı.

İyün 30 künü Poroşenko SNBO toplaşuvınıñ neticesinde Donbassta bir taraflama ateş toqtatuv rejiminiñ müddetini yekünlemege qarar aldı.

XS
SM
MD
LG