«Artek» Halqara bala merkezinde 1308 bala, şu cümleden – 473 qırımlı raatlana. Bunı istimalcı aqları ve insan amanlığı qoruvı saasında nezaret boyunca Federal hızmetinde bildirdiler.
Qırım işğalinden sebep Ukraina 118 pioner lageri, şu cümleden «Artek» Halqara bala merkezinden marum qaldı. Rusiye akimiyeti onı Rusiye tasil ve ilim Nazirliginiñ rebeligi altına avuştırdı.
«Artekniñ» yañı tayinlengen reberi Aleksey Kasprjak bildirdi ki, bala merkezi ükümet statusını almaq kerek.
İşğal etilgen Qırımda «Artek» Halqara bala merkeziniñ inkişafına Rusiye ükümeti 894 985,2 biñ ruble ayıracağını vade etti.
