Avropada telükesizlik ve emekdaşlıq teşkilâtı Rusiyeniñ Ukraina işğalini takbih ete ve Rusiyeniñ Ukrainadaki vaziyetni kerginleştirmek areketlerine yazıqsına.
Bu aqqında iyülniñ 1-de Bakuda keçirilgen 23-ünci sessiyada qabul etilgen Avropada telükesizlik ve emekdaşlıq teşkilâtı Parlament assambleyasınıñ rezolütsiyasında aytıla.
Rezolütsiyağa binaen, OSCE devlet-azalarını «Rusiyeniñ Qırım işğalini tanımamağa çağıra» ve «Rusiye Federatsiyasınıñ quvetleri tarafından Ukrainada istilâ etmesiniñ nezaretine yazıqsına», dep haber ete Azatlıq Radiosı.
Rezolütsiyada «memleketniñ Anayasasında belgilengen Ukraina mustaqilligi, birligi ve topraq bütünligi» qayd etile.
Vesiqada Rusiyeden «Şimal-Baltiya regionları üzerinde provokatsion arbiy uçuşlardan vazgeçüv, Baltiya devletleri ile sıñırlardan ordular çekilmesi ve Latviya, Litva ve Estoniyanıñ etnik rus ealisi arasında bozuv faaliyetiniñ toqtatılması talap etile».
Rusiye eyyeti Avropada telükesizlik ve emekdaşlıq Teşkilâtı Parlament assambleyasınıñ kün tertibinden bu rezolütsiya leyhasını alıp taşlamaqnı talap etti.
