Link açıqlığı

Ukraina Milliy gvardiyası Slavânsk civarındaki qasabanı nezaret ete


Ukraina Milliy gvardiyası Donetsk vilâyetinde Slavânsk civarında Zakotnoye qasabasını közete.

Bunı Milliy gvardiya malümat havfsızlığı idaresiniñ reberi Yuriy Stets Facebook saifesinde bildirdi, dep haber ete Azatlıq Radiosı.

«Milliy gvardiyanıñ mahsus bölükleri boyeviklerni silâsız qaldıruv tedbirlerini keçirip, Slavânsk civarında Zakotnoye mesken noqtasını nezaret altına aldılar, mahsus operatsiya devamında Milliy gvardiyanıñ üç askeri yaralandı, bizim tarafımızdan elâk olğanlar yoq. Uruşlar devam etmekte. Milliy gvardiya komandanı general-leytenant Poltorak Starıy Karavan ve Brusovkanı nezaret altına almağa emir etti», – dep haber etti Stets.

İyünniñ 30-da aqşam Ukraina prezidenti Petro Poroşenko Ukraina Milliy Havfsızlıq ve Mudafaa Şurasınıñ toplaşuvı neticelerine köre Donbassta bir taraflı ateş toqtatılması rejimini yekünlemek qararına keldi.

Bundan soñ ATO faal qısmı başlandı.

XS
SM
MD
LG