Link açıqlığı

İyülniñ 1-den Ukrainada bala doğuvı içün para miqdarı belgilene


Ukraina Nazirler şurası iyülniñ 1-den başlap bala doğuvı içün yardımnıñ yekâne miqdarını 41 000 280 grivna olaraq belgiledi. Bunı Nazirler şurasınıñ 2014 senesi iyünniñ 25-ne ait qararı pekitip kele, – haber ete Azatlıq Radiosı.

Maddiy yardım miqdarı tonğuç doğsa da, ondan soñ doğğan balalar içün de yekâne olacaqtır.

10 320 grivna birden berilecek, soñra ise 36 ay devamında qalğan paranı parça-parça töleycekler.

Tonğuç doğuvı içün para alğan vatandaşlarğa nevbetteki 12 ay devamında 130 grivna bala 3 yaşını toldurmağanına qadar berilecek. Bala 3 yaşını toldurmağanına qadar balanı baquv yardımını ise lâğu ettiler.

Qararğa binaen, Qırım ve terrorizmge qarşı tedbirler keçirilgen yerlerden mecburen köçip kelgenler ve doğğan balanı qayd etmege imkânı olmağanlar içtimaiy qoruv organınıñ qabul etken qararına köre yardım ala bileler.

XS
SM
MD
LG