Rusiye Federatsiyasınıñ prezidenti Vladimir Putin Rusiye NATO kelmemesi içün Qırımnı işğal etkenini daa bir kere bildirdi.
Bunı o, Rusiye Federatsiyasınıñ elçileri ve daimiy vekilleri toplaşuvında bildirdi, dep haber ete UNİAN.
Putinniñ aytqanına köre, NATO orduları kelse edi, «Pötr zamanlarından berli Rusiye tarafından qazanılğan er şey silinecek edi».
2014 senesi martnıñ 16-da Qırım ve Aqyar şeerinde yarımada statusı aqqında sahte referendum keçirildi. Onıñ neticesinde Rusiye Qırımnı öz terkibine qabul etti. Ukraina, Avropa Birligi, AQŞ bu rey berüvni tanımayıp, Qırım Rusiye tarafından işğal etilgenini bildireler.
