Link açıqlığı

İşgal etilgen Keriçte memurlar mühtekirlernen küreşke başladılar. «Argumentı nedeli – Kerç» malümatına köre, şeer şurası ticaret bölüginiñ memurları Merkeziy bazarnı teşkerip, fiyatlar rejiminiñ bozulmasını qayd ettiler.

İdare yolbaşçısı Oksana Hudoleyniñ aytqanına köre, tazı et ve balıqnı satqanlar fiyatnı yazmay ve vesiqalardan mahsulatnı alğan fiyatnı qayd etmeyler. Böylece, nezaret teşkilâtları satıcılar fiyatqa qoşqanlarnı belgilep olamaylar.

Taze et satıcılarınıñ tezden müşterileri de qalmaycaq.

Neşirniñ malümatına köre, işğal etilgen Qırımda balıqçılar balıqnı kimge bereceklerini bilmeyler: Rusiyege Qırım balığı kerekmey, ukrain bazarı ise qapatıldı.

Ukraina balıqçılar Birliginiñ yolbaşçısı Aleksandr Çistâkovnıñ aytqanına köre, Rusiyeniñ Balıq nezaretine Qırım balığı kerekmey, çünki rusiyeli bazar diger balıqlarnı ala.

XS
SM
MD
LG