Link açıqlığı

Saatnıñ esas haberi

Cemilev: Donbasstaki separatistlerniñ teslim olmaq niyetleri yoq


Ukraina şarqında separatistler keri çekilmeycek ve soñuna qadar küreşecekler. Bunı salı künü, iyülniñ 1-de, Yuqarı Radanıñ ayatlarında Ukraina halq deputatı, qırımtatar halqınıñ lideri Mustafa Cemilev jurnalistlerge bildirdi, dep haber ete facenews.ua.

«Muzakereler neticesiz oldı, çünki Ukraina şarqında bu aydutlarnıñ başqa çareleri yoq, keri çekilmek çareleri yoq, Rusiyege olarnı endi kirsetmezler, mında da olarnıñ kelecegi yoq. Onıñ içün olar soñuna qadar küreşecekler ve Ukraina tarafı yoq etüv cenkini alıp barmaq kerek», – dep ayttı Cemilev.

Onıñ fikirince, separatistlernen tez ve cüratnen areket etmeli. Ukraina şarqındaki zıddiyetni bir de bir diplomatik usullar al etemez, dep tüşüne Cemilev.

İyünniñ 30-da aqşam Ukraina prezidenti Petro Poroşenko Ukraina Milliy Havfsızlıq ve Mudafaa Şurasınıñ toplaşuvından soñ Donbassta bir taraflı ateş toqtatılması rejimini yekünlemek qararına keldi.

Ukraina Devlet sıñır hızmeti terroristler ATO yerlerini kiriş noqtalarından ve olardan tış terk etip, Rusiye ve Qırımğa qaça bileceklerini bildirdi.

XS
SM
MD
LG