Ukraina Yuqarı Radası parlament tatilsiz çalışmağa niyetlene. Böyle bir qararğa 288 halq deputatı rey berdi, dep haber ete Azatlıq Radiosı.
Parlamentniñ şimdiki sessiyası sentâbrniñ 2-ne qadar devam etecek, sessiya aftalarını spiker belgileycek.
Salı künü, iyülniñ 1-de, faaller Ukraina parlamenti yanında piket ötkerdiler. Olar yaz tatilinden vazgeçmege ve Avropa birligi ile assotsiatsiya Añlaşmasını tasdıqlamağa talap ettiler.
Bundan ğayrı, piket iştirakçileri kün tertibine bir sıra zarur olğan qanunlar kirsetilmesini istediler. Faaller aliy tasil, prokuratura, saylav sisteması islâatları, em de qabarcılıqqa qarşı ve memuriy islâatlar keçirilmesini talap ettiler. Bundan ğayrı, Kiyev sakinleri Ukrainada Halqara cinaiy mahkemeniñ Roma statusı ve uquqlarınıñ tanılmasına çağırdılar.
