Link açıqlığı

Ukraina Devlet sıñır hızmeti: terroristler ATO zonasından Qırımğa qaça bileler


Ukraina Devlet sıñır hızmetiniñ bölükleri Silâlı quvetler ve Milliy gvardiya ile beraber Lugansk ve Donetsk vilâyetleriniñ sıñır rayonlarında devlet sıñırını imaye ve mudafaanı ğayrıdan tiklemek içün faal areket eteler.

«Ukraina Devlet sıñır hızmeti sıñır imayesini teşkil etkende terroristlerniñ ATO yerlerini kiriş noqtalarından ve olardan tış terk etip, Rusiye ve Qırımğa qaça bilecekleri köz ögüne alınğan», – dep bildire matbuat hızmeti.

Berilgen malümatqa köre, iyünniñ 30-da Lugansk vilâyetiniñ sıñırında BTR-80 sıñır taqımı tanklarğa qarşı minada patlavğa oğradı. Bunıñ neticesinde 6 sıñırcı yaralandı, olardan 4 kişi ATO quvetleriniñ alan hastahanelerine tahliye etildi.

İyünniñ 30-da aqşam Ukraina prezidenti Petro Poroşenko Ukraina Milliy Havfsızlıq ve Mudafaa Şurasınıñ toplaşuvı neticelerine köre Donbassta bir taraflı ateş toqtatılması rejimini yekünlemek qararına keldi.

XS
SM
MD
LG