Link açıqlığı

Ukraina prezidenti Petro Poroşenko Ukraina Milliy Havfsızlıq ve Mudafaa Şurasınıñ toplaşuvı neticelerine köre Donbassta bir taraflı ateş toqtatılması rejimini yekünlemek qararına keldi. Bunı devlet yolbaşçısınıñ saytı bildire.

Böyle etip prezident tarafından iyünniñ 20-de ilân etilgen ve iyünniñ 30 saat 22:00 qadar arttırılğan ateş toqtatılması rejimi soñuna yetti.

«Bizler ücüm etecekmiz ve toprağımıznı azat etecekmiz. Ateş toqtatılması rejiminiñ arttırılmaması – terrorist, boyevik, marodör ve tınçlıqsever ealige zarar ketirgen, regionnıñ iqtisadiy işini toqtatqan, aylıq, nefaqa, stipendiyalar berilmesini toqtatqan, demir yolnı patlatqan, suv ağını viran etken, adamlarnı yahşı barışıq yaşayıştan marum qaldırğanlarğa cevabımızdır», – dep qayd etti prezident.

Devlet yolbaşçısınıñ saytında Poroşenkonıñ muracaatı da yerleştirildi.

XS
SM
MD
LG