Link açıqlığı

Matbuat vastları: Poroşenko ATOnıñ yañı basamağını ilân etecek


Donbassta boyevikler ukrain akimiyetiniñ barışıq planına razı olmadılar, şunıñ içün ATO quvetleri «B» planına keçe.

Bunı Ukraina prezidenti Petro Poroşçenko bugün deputatlar ile körüşüvde bildirdi, dep haber ete Obozrevatel neşiriniñ qaynağı.

Neşirniñ malümatına köre, memleket başı muzakereler neticesiz olğanını qayd etti. Şunıñ içün Ukraina akimiyeti şarqta vaziyetni bir nizamğa ketirmek maqsadı ile Donetsk ve Lugansk vilâyetlerinde arbiy vaziyetni kirsetip, terroristlerge qarşı faal areketlerni başlaycaq.

Ukraina prezidenti ATOnıñ yañı basamağı aqqında resmiy şekilde bugün SNBO toplaşuvından soñ ilân etecek.

Bundan da ğayrı, deputatlar ile körüşüvde Poroşenko Nazirler Kabinetiniñ işi ile memnün olmağanını bildirdi. Şunıñ içün ükümette «ciddiy deñişüvler» olacaqtır.

XS
SM
MD
LG